అహహ! తమరు అపార్ధం చేసుకోవద్దు. విసుగెత్తడం చిత్రం బాగుండకకాదు. ఒక అరగంట సేపట్లో నాలుగు సార్లు బ్రేక్ అంటూ చూపించిన ప్రకటనలే చూపిస్తూ కాలయాపన చేస్తున్నందుకు. అయినా వోపిక వహించి చిత్రం చూస్తున్నారు. తమకు తెలియందేముంది, ఘనమైన రాష్ట్ర ప్రభుత్వం సూచనమేరకు కరెంట్ కట్ రోజూ నాలుగు గంటలు తప్పనిసరి కోతలో ఈ సమయం వకటి. ఇంకేంవుంది! రెండు గంటలవరకూ మళ్ళీ కరెంట్ రాదు. అప్పటికి సినిమా చూపించడం అయిపోతుంది. వుసూరుమంటూ వెళ్ళి నిద్రకు వుపక్రమించారు.
ఆ సభాప్రాంగణం జనంతో కిక్కిరిసి వుంది. ప్రక్క కర్టెనునుంచి కార్యదర్శి ప్రవేశిస్తాడు)
కార్యదర్శి: సభకు నమస్కారం. ఈనాడు ఎంతో సుదినం. ప్రఖ్యాత టివి ఛానల్ నిర్మాతగారిని వారి ఇటీవల ప్రదర్శింపబడుతున్న భయం భయం బాబోయ్ అనే సీరియల్ అయిదువందల ఎపిసోడ్లు ప్రదర్శింపబడిన సందర్భంగా వారికి మాసంఘం తరఫున పురజనులకోరికపై ఈ సన్మాన సభ ఏర్పాడు చేయడమైనది. ఇప్పుడు ఈనాటి ఈ సన్మాన సభకు అధ్యక్షతవహించవలసినదిగా మాసంఘ అధ్యక్షులవారిని వేడుతూ వేదికమీదకు రావలసిందిగా కోరుతున్నాను.
చప్పట్లు (జనం చప్పట్లు కొట్తారు)
ఇప్పుడు ప్రఖ్యాత టివి ఛానల్ నిర్మాతగారిని వేదికమీదకు రావలసిందిగా సగౌరంగా వినయపూర్వకంగా వేడుతున్నాను. మళ్ళీ చప్పట్లు. ఆలస్యం చెయ్యకుండా మా అధ్యక్షులవారిని సభను ప్రారంభించవలసినదిగా కోరుతున్నాను.
అధ్యక్షుడు: సభకు నమస్కారం. వేదికను అలంకరించిన ప్రఖ్యాత టీవి ఛానల్ నిర్మాతగారికి ప్రత్యేక అబివందనలు. సారీ! వారు నాకన్నా వయస్సులో చిన్నవారుకనుక అభినందనలు. ఇప్పుడు బ్రేక్.
కార్యదర్శి: ఒక ప్రకటన! మీకు రుచికరమైన వంటకములతో అద్భుతమైన భోజనం కొరకు కడప విలాసును దర్శించండి. ఒకసారి వెళ్ళితే ఇక అసలు మీ ఇంటి భోజనం చేయరు టింగ్ టింగ్ (అని స్టీలు పళ్ళాన్ని గరిటెతో వాయిస్తాడు)
అధ్యక్షుడు: వీరు నాకన్నా వయస్సులో చిన్నవారుకనుక అభినందనలు. వీరు భయం భయం బాబోయ్ అనే తమ టివి సీరియల్ అయిదువందల ఎపిసోడ్లు గత ఏడాదిన్నరనుండి ప్రసారం చేసిన ఇంకా చేయబోతున్న సందర్భంగా పురజనుల కోరికపై ఈ సన్మానం చేయబడుతోంది. ఇప్పుడు కొంచెం విరామం.
కార్యదర్శి: ఒక ప్రకటన! మీకు రుచికరమైన వంటకములతో అద్భుతమైన భోజనం కొరకు కదప విలాసును దర్శించండి. ఒకసారి వెళ్ళితే ఇక అసలు మీ ఇంటి భోజనం చేయరు టింగ్ టింగ్ (అని స్టీలు పళ్ళాన్ని గరిటెతో వాయిస్తాడు).
అధ్యక్షుడు: వీరు నాకన్నా వయస్సులో చిన్నవారుకనుక అభినందనలు. వీరు భయం భయం బాబోయ్ అనే తమ టివి సీరియల్ అయిదువందల ఎపిసోడ్లు గత ఏడాదిన్నరనుండి ప్రసారం చేసిన ఇంకా చేయబోతున్న సందర్భంగా పురజనుల కోరికపై ఈ సన్మానం చేయబడుతోంది.. వీరి సీరియల్ లో ఇప్పటికి రెండువందల పాత్రలను ప్రవేశపెట్టారు. ఎన్నో సంఘటనలు చోటుచేసుకున్నాయి. ఇప్పుడు బ్రేక్.
కార్యదర్శి: ఒక ప్రకటన! మీకు రుచికరమైన వంటకములతో అద్భుతమైన భోజనం కొరకు కదప విలాసును దర్శించండి. ఒకసారి వెళ్ళితే ఇక అసలు మీ ఇంటి భోజనం చేయరు టింగ్ టింగ్ (అని స్టీలు పళ్ళాన్ని గరిటెతో వాయిస్తాడు).
అధ్యక్షులు: వీరు భయం భయం బాబోయ్ అనే తమ టివి సీరియల్ అయిదువందల ఎపిసోడ్లు గత ఏడాదిన్నరనుండి ప్రసారం చేసిన ఇంకా చేయబోతున్న సందర్భంగా పురజనుల కోరికపై ఈ సన్మానం చేయబడుతోంది. వీరి సీరియల్ లో ఇప్పటికి రెండువందల పాత్రలను ప్రవేశపెట్టారు. ఎన్నో సంఘటనలు చోటుచేసుకున్నాయి. అన్ని పాత్రలను అన్ని సంఘటనలను గుర్తుపెట్టుకోవడం ప్రేక్షకుల మేధాశక్తిపై ఆధారపడివుంది. అంటే ఈ విధంగా ప్రేక్షకుల మేధాశక్తిని పెంపొందచేస్తున్నారు.ఇప్పుడు బ్రేక్.
కార్యదర్శి: ఒక ప్రకటన! మీకు రుచికరమైన వంటకములతో అద్భుతమైన భోజనం కొరకు కదప విలాసును దర్శించండి. ఒకసారి వెళ్ళితే ఇక అసలు మీ ఇంటి భోజనం చేయరు టింగ్ టింఘ్ (అని స్టీలు పళ్ళాన్ని గరిటెతో వాయిస్తాడు).
అధ్యక్షుడు: వీరి సీరియల్ లో ఇప్పటికి రెండువందల పాత్రలను ప్రవేశపెట్టారు. ఎన్నో సంఘటనలు చోటుచేసుకున్నాయి. అన్ని పాత్రలను అన్ని సంఘటనలను గుర్తుపెట్టుకోవడం ప్రేక్షకుల మేధాశక్తిపై ఆధారపడివుంది. అంటే ఈ విధంగా ప్రేక్షకుల మేధాశక్తిని పెంపొందచేస్తున్నారు. ఇది నిజంగా ఒక అద్భుతమైన ప్రయోగమే. ఇందుకు వారెంతో అభినందనీయులు. ఇప్పుడు బ్రేక్.
ఒకప్రేక్షకుడు: ఆగండి ఆగండి. ఇందాకట్నుంచి గమనిస్తున్నా! మీరు కొంచెం చెప్పి బ్రేక్ అనడం మీకార్యదర్శిగారు కడప విలాస్ గురించి చెప్పడం ఏమిటి మీవుద్దేశ్యం? మేము మీరు చెప్పే చెత్త ప్రకటన వినడానికి వచ్చిన మూర్ఖులమనుకున్నారా?
అధ్యక్షుడు: క్షమించాలి. ఈ సన్మాన కార్యక్రమానికి ప్రాయోజకులు కడప విలాస్ వారు. సహప్రాయోజకులు ఎవరూ దొరక్కపోవడంతో మొత్తం ఖర్చు కడప విలాస్ వారినే భరించమంటే ఈ సన్మానంలో ఇరవై సార్లు తమ హోటల్ గురించి ప్రకటన చేసే నిబంధనమీద మొత్తం ఖర్చు భరించడానికి వొప్పుకునారు. అయినా సన్మానం చేయించుకునే నిర్మాతగారికి ఏఅభ్యంతరం లేదని వారిదగ్గర హామీ పుచ్చుకున్నాం కూడా.
ప్రేక్షకుడు: ఏమండీ నిర్మాతగారూ! నిజమా!
నిర్మాత: అవునండి. ప్రాయోజకులు లేకపోతే ఏకార్యక్రమమైనా నడవదని నాకు అనుభవపూర్వకంగా తెలుసు. కనుక దయచేసి మీరు కూర్చోవలసిందిగా ప్రార్ధన.
ప్రేక్షకుడు: ఛీ సిగ్గులేదటయ్యా! లేవండర్రా! ఈవేళ వీడి సంగతి చూడాలి.
ఆగండి దయచేసి వారిని ఏమీ చెయ్యవద్దు ఆగండి ప్లీజ్ ఆగండి...
"ఏమిటండి అలా అరుస్తున్నారు. లేవండి బారెడు పొద్దెక్కింది."
"అదేమిటి అలా అయోమయంగా చూస్తున్నారు మళ్ళీ ఏమన్నా కలగన్నారా ఏమిటి కొంపతీసి?"